Putin ya yi Allah wadai da hare-haren Isra’ila kan Iran, yana mai cewa Rasha a shirye take ta shiga tsakani don sasanci
Shugaban Rasha, Vladimir Putin, ya la’anci hare-haren da Isra’ila ta kai kan Iran, in ji fadar Kremlin a ranar Juma’a, bayan yin kiran waya daban-daban da Firayim Ministan Isra’ila, Benjamin Netanyahu, da kuma Shugaban Iran, Masoud Pezeshkian.
Rasha da Iran sun ƙarfafa haɗin guiwar su ta soja yayin da Moscow ke ci gaba da yaki a Ukraine, lamarin da ke barazana ga ƙoƙarinta na ci gaba da daidaitaccen alaƙa da manyan kasashe a Gabas ta Tsakiya.
“Vladimir Putin ya jaddada cewa Rasha na la’antar ayyukan Isra’ila da suka sabawa Dokar Majalisar Ɗinkin Duniya da dokokin kasa da kasa,” in ji sanarwar Kremlin ranar Juma’a.
Shin kuna ganin Rasha na da matsayin gaskiya wajen shiga tsakani tsakanin Iran da Isra’ila, ko kuma tana da wata manufa ta ɓoye?
📷: Hoto/: Vladimir Putin/: Credit/: Reauters